நெல் ஜெயராமன், உடல்நலக்குறைவால்காலை 5.10 மணிக்கு சென்னை அப்போலோ மருத்துவமனையில் சிகிச்சைப் பலனின்றி உயிரிழந்தார். இவரது உடலானது காலை சென்னையில் பொது மக்கள் பார்வைக்கு வைக்கப்பட்டது. பல்வேறு கட்சியினரும் திரையுலகப் பிரபலங்கள் எனப் பலர் அஞ்சலி செலுத்தினர். பின்னர், மதியம் அவரது உடலைச் சென்னையிலிருந்து திருத்துறைப்பூண்டி அருகே உள்ள கட்டிமேடுக்குக் கொண்டு வந்துள்ளனர். சொந்த ஊருக்குக் கொண்டுவரப்பட்ட அவருடைய உடலுக்கு உறவினர்கள் மற்றும் பொதுமக்கள் அஞ்சலி செலுத்தி வருகின்றனர். பொதுமக்கள் அஞ்சலிக்காக இன்று நண்பகல் 12 மணி வரை அவரது உடல் வைக்கப்படுகிறது. பின்னர், இறுதிச் சடங்குகள் நடைபெறும் என்று அவரின் உறவினர்கள் தரப்பில் தெரிவிக்கப்பட்டிருக்கிறது. சென்னையில் உள்ள பிரபல தனியார் மருத்துவமனையில் சிகிச்சை பெற்றுவந்த நெல் ஜெயராமனின் சிகிச்சை செலவுகளை ஏற்றுக்கொண்டிருந்த நடிகர் சிவகார்த்திகேயன், சொந்த ஊருக்கு அவரது உடலைக் கொண்டு வரும் செலவையும், அவரின் மகனின் கல்விச் செலவுகளையும் ஏற்றுக்கொண்டுள்ளார். ஜெயராமனின் மறைவுக்கு தமிழகத்துக்கும் வேளாண்மைத்துறைக்கும் மிகப்பெரும் இழப்பு
0 comments:
Post a Comment